Hari Raya und Deepavali

Vor 2 Wochen feierte ich Hari Raya zusammen mit Freunden von Singapore. Hari Raya ist ein islamischer Feiertag. Muslime feiern an diesem tag, dass der Ramadan-Monat vorüber ist und das Fasten ein Ende hat. Den ganzen Ramadan-Monat wird von Sonnenaufgang bis Sonnenuntergang gefastet (Tagsüber dürfen die Moslime nichts Essen, Trinken oder Rauchen, kein Geschlechtsverkehr und Lügen sowie 'unreine' Gedanken,.. sind ebenfalls zu vermeiden.). Um das Nahrungs-,... defizit auszugleichen wird bis spät in die Nacht und früh morgens gegessen, getrunken,.... Frauen in der Menstruation dürfen das Fasten unterbrechen, müssen aber diese Tage nach dem Ramadan nachholen. Hary Raya ist also für alle Moslimen ein grosses Fest und eine Erleichterung entlich wieder tagsüber essen zu dürfen. Die Mutter einer Freundin kochte suuuuuuuper gutes Indisches Essen und es wurde den ganzen Sonntag nachmittag gefeiert.

Happy HariRaya...!



Montag (27.Oktober) war wieder ein Feiertag dieses Mal aber einer der Hindus, DEEPAVALI! Es wird auch das Lichtfest genannt. In Singapore wird Deepavali vorallem mit der Familie gefeiert und man beschenkt sich gegenseitig. Viele die keine Familie in Singapore haben (vorallem die Industriearbeiter) gehen nach Little India. Little india wird also zu Big India....:) Die Strassen sind überfüllt, überall Lichter und Deko,... Und wir gingen natürlich wieder indisch essen...:) Mhhhhhhhhhh.

'School of Arts' in Singapore...



Inspiration...





I wish I were an artist!

Some Pics...

More on Flicker.......... :)

(NOW!!!:))

Halloween & NewAsia!

Es witers cools Wuchanendi in Singapore isch um. Mier hend aimol meh z Nachtleba in Singapore uskostet.:) Im Zenter vo Singapore gits es Gebäude (Swisshotel) wo im 70Stock e Baar het (NewAsia). Sisch mega schön, mer gseht über ganz Singapore......

Am Samstig han i mini erscht Halloween-Party gfiiret. Das isch super gsi. Mer sind irgendwo wiit weg vo allem imena verlassana Huus go festa

 und alli sind verklaidet gsi... Chaiba glatt gsi:)I han mir Charline (die mim Messer im Kopf) en Kampf kah, ... und bin geschter usem Knast gflüchtet..(Falls mer mini Verklaidig nid erkennt..)..:) 

Am Sunntigt danoch bini bir Kollegin zum Essa iglada gsi, es het meeega fains indischs Essa gäh und i han zum erschta mol mit da Händ gessa.......................:) Mhhh!

Und zum Schluss no öpis zum lacha... Hehe. Dä armi Bueb isch soo herzig!

Singapore!!!

Dä nama Singapore bedütet 'Löwenstadt' (Singha = 'Löwe', Pura = 'Stadt') ==> drum, '..die Stadt der Löwen'. :)

Mer sait das dä Entdecker vo Singapore als erschts en Löwe im Dschungel gseh het und t Stadt drum so benennt het. (E anderi Gschicht woma köhrt isch dasser vomena Löwe grettet worda isch...)

I han letschtin es T-Shirt gseh mir Ufschrift 'Singapore is a fine city' :)

hehe. Das het öppis wors. Es git für alles Regla und Buessa. Wemmer ir MRT (Zug) isst oder trinkt chamer en Buess vo 500 SingaporeDollar becho, wemma t Stross nid bim Zebrastraifa überquehrt kostets 200SD, mer töf kai Kaugummi verkaufa, nüt am Boda schüssa,...und so

 witer. Ir MRT und im Buss ghört mer täglich, dass wen mer a 'suspicious looking person' gseht söllt mers am Personal melda. (Es werdent sogar filmli davo zaigt...!) Aber trotz all dena Schilder und Warniga laufend gli alli überall über t Stross und wenn mer es Ziitli do isch achtet ma gar nüm druf. 

Mier isch das Wuchanendi wider richtig bewusst worda wie gail Singapore isch. Z Zentrum isch aifach en Traum. Überall die grossa Gebäude und t Atmosphäre in da verschidena Quartier,... Di ganz Stadt isch voller Lüt mit verschiedna Kultura wo so nöch nebanand und mitenand lebend. I han mi mega it Stadt, Lüüt und t Atmosphära do verliebt:)

Im rechta Bild, z Gebäude links isch t 'Esplanade'. Es het t Form vonera Durian. Das isch e Frucht wo bi da Asiata mega beliebt isch, und für 90%  vom rescht ungnüssbar isch. Es het en mega starka Gruch und dä Gschmack ersch.... Es schmöckt so stak, dass mer sie nid im Bus und MRT  transportiera töf.... (Drum 'no durian')

Sit letscht wucha bini 3mol pro Wucha im Canoepolo Training. Es Training got 3 Stund und isch recht streng aber macht mega spass und sisch cool wider imena Team z trainiera. Do isch es Filmi davo..... I waiss, i waiss... i han zersch au müesse lacha aber wemmers selber spilt isches dä hammer:)

Und zum Schluss no es Fötteli vo da Wakeboardweltmaischterschafta, wo das Wuchanendi in Singapore gsi sind....

1/2 vom Semester isch um!

Mier sind jetzt scho ir Mitti vom Semester und hend di erschta Prüefiga hinter üs. I han aini in SocialPsychology kah bevor mer 1 Wucha Feria kah hend und t Wucha druf 2 witeri (Social-Cognitiv Perspectives on Emotions & HumanPerformance). Dä stoff vo da Modul (v.a. Emotion & HP) isch mega spannend. SozPsych isch recht guet ganga und bi da andera 2 hani scho chli gmerkt dass e Prüefig uf englisch halt scho nid z glicha isch, vorallem wenn t Prüefig nur us ainera offena Frog bestoht....:) Und in Singapore werdend t Nota noch da Normalvertailig vergäh. (Das haisst I muess besser si als  en gwüssa Prozentatail vo da Studenta. Und t Singapurianer sind jo mega flissig..........) 

I han also t Wucha vor und noch da Feria vil, vil glernt und zwüschadinna simmer 10 täg uf Bali und Lombok. Das isch grandios gsi. Mer sind zersch 2 Täg go surfa in Kuta was mega spass gmacht het. I han gar nüm usem Wasser wella. Laider hani mer denn e Entzündig am fuess gholt. (Z Wuchanendi vorher simmer in Tioman am taucha gsi und eswie hani mi zwüscha da Zecha gschnitta. Dä Schnitt isch recht tüf gsi und bis Bali nid zuegwachsa.) Mer sind denn aber uf Ubud (Landesinnera) go  verschideni Tempel aluga und denn witer uf Lombok. Das isch supper gsi. En Ihaimischa vo Bali het üs und 2 Jungs vo Holland verschideni verlasseni Ört zaigt. Kai Turista, Riisfelder, Natur,... Am ainte Ort sind t Chinder vom ganza Dörfli atrudlet zum üs aluega.....:) (Lombok isch vil weniger Turistisch, weniger verbaut und grüener als Bali.) Do i mit mim Fuess fasch nüm han chöna laufa simmer bim Arzt imena chlina Dörfli in Lombok verbi. Und mier isch zum erschta mol am Fuess umagschnitta worda während dem ir Liga neb mier es Huen gsessa isch. I bin mer bis jetzt nonig sicher obs echt nid en Tierarzt gsi isch......:) Aber uf alli fäll hets gholfa und doch 2 Täg simmer denn los marschiert zum dä Mount Rinjani z bestiga (3726MüM). Das isch 'recht' astrengend gsi aber dä hammer:). Mer sind dä erschti Tag ca 6 Std gloffa denn am nöchschta tag am 2 am morga ufgsanda zum dä fipfel bestiga und Sunnaufganga aluega, denn witer an en See und zum zwaita Schlofplatz wider dä Berg duruf uf da andera Sita vom See (10std) und dä letschti tag simmer denn mit jenes Muskelkater nur no dä Berg durab...:) T Ussicht isch en Traum gsi und mier sind es supper Trüppli gsi. Mier hend z beschta Essa kocht becho und irgendwo unterem Gipfel mit jenes vill Affa (wo z Essa gstola hend..)im Zelt gschlofa. Di letschta 2 Täg simmer in Bali chli an strand go chilla. (Fötteli sind uf Flickr)

Dia Täg sind so schnell verbi mer het Singapore fasch vergessa. S'isch aber au schön wider dahai in Singapore z si.

Alltag?!

In 2 wucha hemmer scho a Wucha Feria (1/2 vom Semester isch um). Huiuiui die Zit vergot im nu. I han doch ersch grad agfanga. Dä versuech inen Alltag ina z cho schiitert vo Wucha zu Wucha. Mues mer glaubs mol en 'Alltagsplan' erstella villicht hilft das jo, wobi die bim lerna au nid immer hilfrich gsi sind... Bin also offa für witeri Vorschläg....:)

Do i agfanga han Kanupolo spila, goni 2-3 mol ir Wucha mim NUS-Team go trainiera. Es mach mega spass und sobald ma t rolla langsam chan (falls ma kippt, wider ufa cho) chunnt mer immer meh dri. Am obig tuet mer amel dä ganz körper weh.:) Tönt guet ni?;)

Letscht wuchanendi simmer in Kuala Lumpur gsi (Malaysia). Mega cooli Stadt........ T Petrona Twin Towers sind 452 Meter hoch (83 Stöck). Mier hend 'laider' nur bis zum 41sta stock chöna (172 Meter) und scho vo döt isch t Usicht super gsi.

(Fötteli im Album KualaLumpur uf:  http://www.flickr.com/photos/29413458@N03/)

I wünscha öi a schöni Wucha.

Fertig Feria:)

Di ersta 2 wucha uni sind verbi und i fühl mi immerno wie in da feria. T modul wo i gno han sind mega spannend und t 'professora' sind mega jung und motiviert. Di ainti isch so jung dasi i sie ufem weg zur ersta vorlesig gfrogt han ob sie au an dem modul tail nimmt:) oups ...

Bis jetzt sind t vorlesiga immer en guete momment gsi zum ihaimischi kenna lerna aber ab nöchscht wucha hemmer zu jedem modul es obligatorischs tutorat. Döt muess ma denn vorberaitet si und t mitarbeit wird benotet. Dä ernst vom studium fot also a.:)

Gester bini mit ainera vo singapore woni bim canupolo (en coola sport mim canu im pool) kenna glernt han, chinatown go aluega.... Und do in singapore, z essa en grossa und wichtiga tail vor kultur isch, hends üs all di typischa spisa serviert:)mhhhhhhhhhh. 

Singapore het di aller erschti Nachsafari abota. Inzwüscha gits scho meh aber die in Singapore söll di beschti si....(Sait mer emel do :) :) )Mer het z gfühl, da tier mega nöch z si und di maischta sind frai. Laider töf mer kai blitz brucha drum hani fasch kai fötteli. Es paar wenigi und es paar vo chinatown sind bi flickr.

Mehr Fotos

www.flickr.com/photos/29413458@N03

Uni beginnt....

Nach 2 Wochen Ferien beginnen morgen die Vorlesungen. (Was nid umbedingt haisst, dass t Freia verbi sind:) ) Wir haben die "Vorbereitungswoche" gut genutzt um uns nochmals richtig zu entspannen und sind nach Indonesien gefahren. Vier gemütliche Tage auf der Insel Palau Bintan. Die Insel ist super schön und wir trafen nur wenige Turisten..

Am Donnerstag sind wir dann wider nach Singapore gefahren um das Nachtleben zu geniessen:) und am Samstag (9.08) den National Day of Singapore zu feiern. (Bin fascht chli patriotisch worda.....:) wobi das villich au an da rot-wiss kleidata Singapurianer glega isch;) )

Angekommen!!!

Inzwuesche bini scho 3 Taeg in Singapore und es gfallt mer bis jetzt mega guet. Min erschta Idruck isch, dass es asiatischer isch als mer gsait worda isch, usserhalb vo da stadt choend t luet weniger guet englisch als i tenkt han und z Bier isch tuer:)!
I bin au scho is appartement i zoga und bis jetzt no allai, wasi no gnuesse muess wills schlussendlich z vierta denn doch mega eng wird. sisch chli wie es chlises massalager. alles kahl chalt und wuerkli nur z noetigsta dinn. aber eswia gli groesser als i denkt han. woni mis gepaeck 10stoeck ufa trait han, hani denn sogar au gseh dass es en lift het. dae got allerdings nur in 9ta und 5ta stock aber immerhin...:) Z nachtleba do hemmer (e gruppa vo inder und vor usa) natuerli scho teschtet und sisch sehr guet:) .
z essa isch au wuerkli supper, aber do mer chli usserhalb wohnend (->z schlechta englisch...) hani kai ahnig wasi genau gessa han....sobaldi internet han werdi denn au mol es paar foetteli zaiga choene. I hoffa ier gnuessend ir schoena schwitz au und wuensche oi e schoeni wucha.
glg sandra

und looooooooooooos

Am 23 igstä isches so wit. Ab noch Singapore...Juhu. 

Dä Koffer füllt sich z Zimmer lährt sich, t Martina besuft sich (beginn der Einjahresdepression), t Minibaar wird ustrunka (Martina...!) und z Flugzüg stoht berait.:)

Trotz da grossa Vorfröid fallts mer natürli schwe

r öi für es Jöhrli z verlo aber wenn mer nüd 

dazwüsche chund (au Depression, schwanger, Drogadelikt, Gfängnis, en Ma,...) chumi jo scho bald wider:) hihi. Werd öi natürli uf em laufenda halta und fröi mi über öiri News.

ciaociao:)